Onlayn Qəbula Yazıl
(050) 519 42 19

Qış aylarında dəriyə qulluq - Dermatoloq Dr Mehdi

DERMATOLOGİYA

by Dermatoloq 2/2/2022 506 Baxış Şərh

Qış aylarında dəriyə qulluq - Dermatoloq Dr Mehdi

ss

 

Qışda soyuq və quru hava, istiliklə qızdırılan qapalı mühit və ətraf mühitin çirklənməsi dəriyə qulluqun əhəmiyyətini artırır. Qış aylarında dəriyə qulluq haqqında məsləhətlərimiz dərinizin sağlamlığını və gözəlliyini qorumağa kömək edəcəkdir.

 

 Üz və bədən tipinə uyğun nəmləndiricilər hər duşdan sonra istifadə edilməlidir. Duş zamanı dəri suyu özünə çəkir və bu su dəridə saxlanmazsa buxarlanır və dərinin daha çox qurumasına səbəb olur.  Buna görə də, nəmləndirici kremi duşdan sonra 5 dəqiqə ərzində tətbiq etmək lazımdır ki, dəri nəm qalsın. Qışda əsasən yağ bazlı nəmləndiricilərə üstünlük verilməlidir.

 

 Duş isti su ilə deyil, ilıq su ilə edilməlidir. 10 dəqiqədən çox çimmək dərinizin təbii yağ təbəqəsini məhv edir.  Həmçinin, quru dəriniz varsa, onu yumşaq bir şəkildə sürtməli və kisələməkdən çəkinməlisiniz.

 

 Quru dəri sabunsuz losyonlarla təmizlənməlidir.  Dezodorant sabunlar, spirt tərkibli toniklər və ətirli məhsullar quru və həssas dərini qıcıqlandıra bilər.

 

 Qış aylarında günəşin fəaliyyəti minimuma endiyindən üz və bədən pilinqi üçün ən uyğun vaxtdır.  Sağlam və gözəl dəriyə sahib olmaq üçün mütəmadi olaraq qlikolik turşu, retinoik turşu və ya salisilik turşusu olan krem ​​və ya maskalarla ölü hüceyrələri təmizləmək lazımdır və daha sonra  gecə kremi ilə qidalandırıcı qulluq məhsullarından maksimum fayda əldə etmək olar.

 

 Quru dərisi olan insanlar erkən yaşlardan göz ətrafı dermokosmetik məhsullardan istifadə etməyə başlamalıdırlar.

 

 Yaşadığınız mühitin rütubəti azdırsa, havaya lazımi rütubəti təmin etmək üçün nəmləndirici cihazlar istifadə edə bilərsiniz.  Nəmləndirici cihazlar istilik cihazları ilə qurudulan mühit havasını nəmləndirir və dərinizin daha da qurumasının qarşısını alır.

 

 100% pambıq və yumşaq parçalardan istifadə etməyiniz daha yaxşı olar.

 

 Dərinizdə ləkələr, qırışlar və çapıqlar varsa, onları müalicə etmək üçün ən uyğun vaxt qış aylarıdır. Xüsusilə günəşin aktiv olmadığı qış aylarında dəriyə qulluq üçün üz nahiyəsinə tətbiq olunan lazerlər, pilinqlər və həkim nəzarətində tətbiq edilən dermabraziya kimi prosedurlar buna misaldır. 

 

 Qışda əllərə qulluq da çox önəmlidir. Əlcək taxmaqla əllərimizi soyuq və küləkli havanın quruducu təsirindən qoruya bilərik. Xüsusilə qış aylarında hər səhər əl sabunladıqdan sonra əlləri kremləmək çox vacibdir.  Bundan əlavə xanımların ev işləri görərkən təmasda olduqları təmizləyici vasitələr də dərini qurudur və nəm itkisinə səbəb olur.  Buna görə də iş zamanı əlcək taxmaq tövsiyə olunur.

 

 Gecə yatmazdan əvvəl dodaqları nəmləndirmək dodaq ətrafındakı çatların qarşısını alır. Gün ərzində uyğun dodaq nəmləndiricisi istifadə edilməli, soyuq və küləkdən çatlamış dodaqlar nəmləndirilməlidir.

 

 Qış aylarında günəşdən qorunma davam etdirilməlidir. Hava günəşli olmasa belə, ultrabənövşəyi şüaların dərimizə təsiri davam edir.  Xüsusilə qarda əks olunduğu üçün hündür yerlərdə günəşin təsiri daha da artır. Buna görə də qış aylarında dərinin ultrabənövşəyi şüalardan qorunmasına diqqət yetirilməlidir.

 

 Saçlarımız soyuq və çirkli havadan da təsirlənir. Ona görə də qış aylarında yumşaq şampunlar və saç kremlərindən istifadə etmək tövsiyə olunur.

 

  Soyuq havalarda dırnaqlarımız da daha çox qırılır və incə olur. Əl kremləri dırnaqları qorumaq üçün kifayət deyil. Bu səbəbdən qış aylarında dırnaqları qoruyan kremlərdən müntəzəm istifadəyə diqqət yetirmək lazımdır.

 

 Omeqa-3 dəstəyi dəriyə qulluğun təsirini artırır.  Bundan əlavə, bol su tükədilməli, bol meyvə və tərəvəz yeyilməlidir.

 

 Təkcə qışda deyil, həmişə dərimizi və bədən sağlamlığımızı qorumaq və dərimizin vaxtından əvvəl qocalmasına imkan verməmək üçün siqaret və spirtli içkilərdən uzaq durmaq lazımdır.

Oxşar Bloglar

Şərhlər